“Blej pikturë për të mbështetur jetimin”, QSA me projekt të ri për bursa për jetimët

Në përvjetorin 14 të  themelimit të  Qendrës së Solidaritetit dhe Avancimit, në Kumanovë dhe Shkup, për 3 ditë rradhazi me sukses u realizua projekti “Blej Pikturë për të mbështetur Jetimin”.

4 piktorë,  punuan rreth 30 piktura dhe të njejtat i ekspozuan në sheshin e qytetit të Kumanovës si dhe në sheshin “Skenderbeu” në Shkup.

Mjetet e grumbulluara nga shitja e tyre ua dedikuan jetimëve duke u siguruar kështu një bursë 1vjetore.

“Qëllimi i këtij aktiviteti ishte që ti bëjmë pikturat, ti shesim dhe me shitjen e tyre ti mbështetim jetimët, nga ana q eytetarëve kishte një interesim më të madh ngase ne pritnim, shpresojmë edhe sot të ket interesim të tillë. Mjetet e dedikuara do tëshkojnë për jetimët, ata do të aplikojnë dhe sigurisht ata që janë në gjendje më të vështirë do të fitojnë” - tha për TVM2 piktorja, Semra Rashiti.

“Me shitjen e këtyre pikturave ne si qëllim kemi që shumën ta dërgojmë deri te sigurimi i një burse 1 vjetore për jetimët, si organizatë tashmë kemi projektin për përkujdesje ndaj jetimëve ku përkujdesemi për më shumë se 100 jetimë, kurse nevoja akoma është më e madhe dhe më e nevojshme kështuqë vendosëm që përmes këtij projketi sadopak të solidarizohemi dh eta rrisim numrin e përkujdesjeve ”, tha nënkryetarja e QSA - RMV, Suhejla Azemi.

“I falenderoj piktorët apo artistët të cilët me duart dhe brushat e tyre të arta e bënë këtë eveniment magjepsës me piktura mbreslënëse që në vete ngërthejnë kuptimin e vet jetës, humanës e njerzores. Secila pikturë jep ndjesinë e veçant të përshkrimit të aktiviteteve tona të shumta dhe projekteve tona vjetore, mujore apo javore”, - tha para të pranishmëve Kryetari i QSA - RMV, Avdil Zimberi.

4 piktorët , punën për realizimin e këtij projekti fisnik, e bënë falas. Ndryshe Qendra e Solidaritetit dhe Avancimit, vepron në RMV, Luginë të Preshevës si dhe në disa shtete evropiane ku jeton dhe vepron mërgata shqiptare. (Fatlum Aqifi, TVM2)