Shqipëri, Demokratët rizgjedhin Bashën kryetarë parie

 

“Bazuar në të dhënat zyrtare të 76 procesverbaleve të futura në përllogaritje rezulton se 75 mijë e 67 anëtarë të Partisë Demokratike, kanë votuar 41 mijë e 97 anëtarë. Vota të pavlefshme kanë rezultuar 413. Vota të vlefshme janë 40 mijë e 684 vota. Të ndara sipas kandidatëve në garë: Për z. Fatbardh Kadilli kanë votuar 781 anëtarë. Për zonjën Edith Harxhi kanë votuar 983 anëtarë. Për z. Agron Shehaj kanë fotuar 6 mijë e 38 anëtarë dhe për z.Lulzim Basha kanë votuar 32 mijë e 882 anëtarë. Bazuar në këto të dhëna, komisioni Zgjedhor i Partisë Demokratike shpall zyrtarisht fitues të garës për kryetar të PD-së z. Lulzim Basha.”, tha Jemin Gjana, Kryetar i Komisionit Zgjedhor, PD.

 

 I pari që e pranoi rezultatin ishte kandidati Fatbardh Kadilli, i cili dol i fundit në këtë garë.

 

“Unë e pranoj këtë rezultat dhe vendimin e demokratëve. Unë nuk iki. Unë nuk dorëzohem. Nuk krijoj parti të re. Do shpalos para anëtarësisë manifestin tim, projekt të ri. Vetëm kështu politika bëhet frymëzim për qytetarët”, u shpreh Kadilli. 

 

Gjatë procesit zgjedhor të ditës së djeshme, nuk kanë munguar as akuzat për parregullsi, nga kandidatët Agron Shehaj dhe Edit harxhi, ndërsa kryetari i Këshllit Kombëtar të PD, Bujar Nishani, e cilësoi si maskaradë.