Osmani: Jemi gjithnjë transparent, procesi është i komplikuar

 

“Çështjet identitare  siç është gjuha maqedonase, veçoritë etnike maqedonase, maqedonasit, nuk janë dhe nuk mund të jenë në tavolinë si pjesë e bisedimeve; e dyta, vlerësojmë se propzimi i presidencës portugeze është bazë e mirë  për bisedime; e treta, angazhohemi të mbahet seanca e dytë ndërqeveritare mes dy vendeve pas së cilës duhet të miratohet protokol dhe plan aksionar i cili do të shndërohet në udhërrëfyes. Katër, qëllimi është i përbashkët, mbajtja e konferencës së parë ndërqeveritare. Procesi është i komplikuar për shkak të mospasjes së qeverisë politike në Bullgari dhe është pengesë serioze për çka nuk ritim pritshëmritë tek qytetarët.”, tha Bujar Osmani, ministër i jashtëm.

 

 

Opozita maqedonase  megjithatë këmbëngul  se askush nuk ka të drejtë të negociojë për vlerat identitare maqedonase. Kërkuan që të ketë raport më të shpeshtë nga përfaqësuesi special në Sofje, edhe pse siç theksoi deputeti, Prenxhov, Buçkovski nuk është zgjedhur as nga kuvendi as nga qytetarët.

 

“Duhet të parashtroj pyetje se përse parlamenti nuk është i informuar për atë se çka ndodh në bisedat diplomatike formale dhe joformale mes dy palëve; çfarë oferta janë ofruar nga vendet eBE-së dhe funksionarët? A ekzistojnë çfarëdo lloj limite dhe a do të shkojmë edhe më tutje në dëm të sovranitetit, integritetit, trashëgimisë kulturore dhe dinjitetetit gjuhësor dhe nacional?”, tha  Lupço Prenxhov nga VMRO-DPMNE.

 

 

Edhe partitë shqiptare me të njëjtën kërkesë. Më shumë informacione për bisedimet me qëllim që të inkorporohen të gjitha partitë dhe  procesi të jetë më kohezional.

 

“Është mirë që me prezencën e ministrit këtu duke na referuar për atë çka është bërë dhe çka planifikohen, hidhen poshtë me një fjalë të gjitha spekulimet se ka marrëveshje të fshehta, se dikush po negocion diçka dhe me këtë  demantohen të gjitha dhe tregohet se çfarë kapacitete ka ndërmarrë shteti për të mbri qëllimin për të cilën të gjithë presim.”, tha Kastriot Rexhepi nga Lëvizja "Besa".

 

 

“Nuk ka deputet, parti politike që mendon ndryshe!  Atëherë duhet të informohemi,  duhet të dimë se ku janë punët, si janë, pse janë problemet?! Edhe raporti zoti minsitër ishte në aspekt që të lëvdëroheni sesa vetkritik? Asnjë minus nga ana e qeverisë. Përkrhajen do ta keni maksimae por kërkojmë transparencë edhe më shumë.”, tha Halil Snopçe nga Aleanca për Shqiptarët.

 

Opozita shqiptare thotë se bisedimet me BE-në pos tjerash nuk fillojnë edhe për shkak të ngecjeve në realizimin e  reformave.