Në Shkup 12 aksidente mbrëmë karrotreci ka larguar 54 automjete

 

Ka ndodhur edhe një aksident në të cilin lëndime të rënda trupore ka marrë një shofer i automjetit motorik.

 

Sipas evidentimit të policisë së komunikacionit, kanë ndodhur edhe katër aksidente me dëm të vogël material në të cilat është mbushur raporti evropian për aksidentin e ndodhur.

 

Gjatë ditës së djeshme nga ana e policisë së komunikacionit janë zbuluar dhe sanksionuar katër shoferë të cilët e kanë drejtuar automjetin nën ndikim të alkoolit dhe të njejtit janë përjashtuar nga komunikacioni, nëntë shoferë të cilët e kanë drejtuar automjetin pas skadimit të vlerës së patentës së shoferit ose pa patentë shoferi dhe 16 shoferë të cilët nuk e kanë shfrytëzuar rripin e sigurimit ose e kanë përdorur celularin  gjatë drejtimit të automjetit.

 

Me ndihmën e automjetit special "karrotrec" nga ana e policisë së komunikacionit janë larguar 54 automjete të cilët e kanë penguar zhvillimin normal të komunikacionit.

 

Reparti për parandalim pranë Njësisë për siguri në komunikacionin rrugor pranë SPB-së Shkup në suaza të aktiviteteve të tyre do të mbajë seminar edukativ në SHF "Grigor Prliçev" e cila gjendet në lagjen e Zhelezarës në territorin e komunës së Gazi Babës me nxënës të klasës së dytë dhe të katërt.

 

Sot vazhdon vizita zyrtare  e zëvendëspresidentes të Republikës Socialiste të Vietnamit  Ngujen Ti Zoan. Gjatë lëvizjes të kolonës së automjeteve  nën shoqërim nëpër rrugët e Shkupit do të vendoset regjim i veçantë i komunikacionit që nënkupton prioritet absolut të kalimit nëpër të gjitha rrugët e komunikacionit.

 

Nga policia e komunikacionit apelojnë deri te të gjithë qytetarët t'i respektojnë urdhërat  që do t'ju jepen nga ana e nëpunësve policorë  të jenë të durueshëm, ndërsa menjëherë pas kalimit të kolonës së automjeteve  nën shoqërim nga ana e policisë së komunikacionit do të ndërmerren masa  për normalizim të tërësishëm të komunikacionit./MIA