Procesi i imunizimit, ASH-AAA: Vaksinimi i popullatës, dështim total

“Jo vetëm kjo qendër por edhe shumë të tjera në RMV gjatë vikendit ishin të mbyllura. Për ne si koalicion kjo paraqet një hap të gabuar, amator dhe shumë të rrezikshëm. Ky hap i pamatur i Ministrisë së Shëndetësisë detyroi shtetasit tanë të vaksinohen në shtete e rajonit, duke harxhuar mjete dhe kohë edhe përkundër që i paguajnë kontribute shtetit të tyre amë. Për ne kjo ëhstë turp dhe rast pa p[recedan. Deri në mars të këtij viti, në Serbi janë vaksinuar 15 mijë shtetas të RMV-së, nuk kemi të dhëna nga shtetet e tjera. Nga të dhënat e organizatave relevante botërore, Maqedonia e Veriut radhitet në top 10 shtetet me numër më të vogël të të vaksinuarve.”, tha Bekim Tateshi nga koalicioni ASH-AAA.

 

 

VMRO DPMNE akuzon se qeveria dhe institucionet përgjegjëse,  pësuan fiasco jo vetëm në menaxhimin e pandemisë, por edhe në dhënien e dokumenteve personale dhe  e bëri  shtetin të mos jetë në gjendje të shërbejë nevojat themelore të qytetarëve të tij.

 

“Kemi një fiasko dhe debakël të qeverisë, ata nuk mundësojnë nevojat themelore të qytetarëve, nuk ka dëftesa për nxënësit, nuk ka pasaporta, patentë shoferi, Kartat e identiteti për qytetarët, nuk ka targa për makinat, vaksinimi është bllokuar sepse nuk ka vaksina, nuk ka subvencione për fermerët, ka vetëm rritje të taksave, shtesë në akcizën e naftës kemi varfëri, fiasko dhe emigrim, thjesht katastrofë.”, tha Vllatko Gjorçev nga VMRO-DPMNE.

 

Opozita maqedonase kërkon edhe që qeveria të rimbursojë për këto shpenzime.