Vitin e ardhshëm rritet paga minimale

Me ndryshimet propozohet që paga minimale nga janari të jetë 9.590 denarë, ndërsa në veprimtaritë intensive të punës 8.050 denarë. 

 

Gjithashtu ndryshon edhe mënyra e sanksionimit të kompanive të cilat nuk do të paguajnë pagë minimale, gjegjësisht Inspektorati i Punës në qoftë se konfirmon se ndonjë punëdhënës nuk e ka paguar pagën minimale, do ta obligojë që me vendim në afat prej shtatë ditësh ta paguajë.

 

Nëse këtë nuk e bën, inspektorati ka për obligim të shqiptojë kundërvajtje me gjobë prej 8 mijë deri në 9 mijë euro, ndërsa në qoftë se kompania sërish e bën kundërvajtjen, në afat prej një viti do t’i shqiptohet ndalesë për punë në afat prej 15 ditësh, ndërsa punëdhënësi do të duhet ta paguajë pagën minimale dhe të paguajë gjobë prej 9 mijë deri në 10 mijë euro.