Kontesti maqedono - bullgar, Muçunski: Të tregojnë se për çka po bisedohet

 

“Prej tyre ndëgjojmë demagogji, por asesi të ndëgjojmë se cili është pozicioni i Republikës së Maqedonisë, për çka bisedohet për momentin. Andaj është e pakuptimtë akuza se opozita i bllokon proceset. Opozita është e vetmja e cila po tenton që të ndihmojë proceset duke treguar se për çka nuk guxohet të negociojnë, për identitet, historinë si pjesë e identitetit, gjuhës maqedonase, pakicat maqedonase dhe të gjitha çështjet më të rëndësishme të cilat janë pjesë e identitetit maqedonas.”, tha Timço Muçunski, deputet i VMRO–DPMNE–së.

 

Kryeministri Zoran Zaev në deklarimet e tija publike ka thënë se në bisedime nuk bëjnë kompromis për identitetin maqedonas, ndërkohë ditë më parë  presidenti I Bullgarisë Rumen Radev, ka ripërsëritur qëndrimin për sigurimin e garancisë në gjetjen e zgjidhjes së qëndrueshme.