Filipçe: Në muajin gusht mund t’i japim fund pandemisë

 

“Që të shpallet fund i epidemisë duhet që dy cikle reproduktive prej 14-ditësh të mos ketë raste të diagnostikuara dhe ka disa parashikime te ne se si do të mundte ajo të ndodh. Nëse vazhdon ky trend, kjo do të ndodhte në muajin gusht apo në fillim të shtatorit. Spitalet janë thuajse të zbrazëta dhe gjatë natës së kaluar nuk është paraqitur asnjë pacient i dyshuar për Covid-19.”,- deklaroi ministri i shëndetësisë, Venko Filipçe.

 

 

Sipas numrit të të infektuarve ditëve të fundit masa restriktive nuk duhet të kemi, kurse maskat do të jenë të obligueshme që të mbahen në ambiente të mbyllura, theksoi epidemiologu, Dragan Danillovski.

 

“Përqindja e të infektuarve nga testet e bëra sipas Qendrës Evropiane për Sëmundje nëse është ndër 3% për 2 javë atëherë  shpallet zona e gjelbër. Tek ne më shumë se 2 javë kjo përqindje e personave të infektuar sipas numrit të testeve të bëra është më pak se 1% dhe ditëve të fundit është 0.3% në vendin tonë. Kjo do të thotë se praktikisht ne nuk kemi virus në qarkullim.”,- tha mjeku, Dragan Danillovski. 

 

 

Mjekët apelojnë që qytetarët të paraqiten për t’u vaksinuar, sepse vetëm në këtë mënyrë mund t’i japim fund pandemisë.   

                            

“Tani me një sasi të madhe të vaksinave besoj që mund të jepen rreth 15 mijë doza vaksinash, duke u përballur me një valë tjetër të  llojit Delta, besoj që  do të vetëdijesohemi  që mënyra e vetme për t’i dhënë fund pandemisë është që të vaksinohemi.”,- u shpreh mjeku, Aleksandra Grozdanova.

 

“Vaksinimi është mundësia më e mire për t’u përballur me epideminë. Vaksina kemi në dispozicion. Të gjitha vaksinat që janë të miratuara nga EMA na mbrojnë nga kjo sëmundje.”,- theksoi mjeku, Drgan Petliqkovski.

 

Në tribunën "Vaksinimi dhe Sfidat me Covid-19", Filipçe tha se kishte shumë presion mbi të drejtat e njerëzve që duan të organizojnë festime martesore të cilat tani për tani lejohen vetëm në ambiente të hapura.