Shembja e ndërtesës në Miami – nxirren nga rrënojat trupat e pajetë të dy fëmijëve

Trupat e dy fëmijëve janë gjetur në rrënojat e ndërtesës në Florida, duke çuar numrin e viktimave në 18 deri më tani, thonë ekipet e shpëtimit.

 

Sipas BBC, përcjell Telegrafi, gati 150 njerëz janë ende të zhdukur pas shembjes së objektit që ndodhi një javë më parë.

 

Viktimat që u gjenden së fundmi ende nuk janë identifikuar publikisht.

 

Zyrtarët kanë deklaruar se ata shpresojnë se mund të gjenden edhe disa të mbijetuar.

 

Ekipet e shpëtimit thonë se po punojnë me ndërrime 12-orëshe derisa kontrollojnë rrënojat në qytetin Surfside, në veri të Miamit.