Filipine, 31 të vdekur nga rrëzimi i një avioni ushtarak

Ngjarja ndodhi rreth orës 11 e 30 me orën lokale pak kilometra larg qytezës së Jolosë. Avioni ushtarak i transportit me 92 persona në bord, nuk arriti të kryente uljen në pistën e aeroportit të vogël ushtarak. Ulja e pakontrolluar ndodhi disa metra larg saj, në një zonë pyjore, pranë një lagjeje të banuar. Shkaqet e tragjedisë janë ende të paqarta. Autoritetet përjashtojnë për momentin mundësinë e një sulmi nga rebelët ekstremistë islamikë të zonës, ndërsa dyshojnë për një defekt, si shkak të tragjedisë. 

 

Shumica e pasagjerëve të këtij aeroplani ishin persona që sapo kishin diplomuar nga ushtrimet bazike ushtarake dhe po udhëtonin drejt një ishulli për t’iu bashkuar një taskë-force që lufton terrorizmin në këtë rajon me shumicë myslimane.