Covid-19: Pfizer kërkon miratimin e dozës së tretë të vaksinës

Kompania Pfizer kerkon autorizimin e Shteteve të Bashkuara për një dozë të tretë të vaksinës së saj kundër COVID-19, duke thënë  se një dozë tjetër brenda 12 muajsh mund të rrisë në mënyrë dramatike imunitetin dhe mund të sigurojë mbrojtje nga varianti Delta i cili përhapet më shpëjtësi të madhe.

 

“Të dhënat e hershme nga studimi i ri i kompanisë sugjerojnë që nivelet e antitrupave rriten pesë deri në dhjetëfish pas një doze të tretë”, u shpreh Dr. Mikael Dolsten nga kompania Pfizer.      

 

 

I menjëhershëm ka qenë reagimi i OBSH-së lidhur me kërkesën e kompanisë Pfizer. Sipas tyre nuk ka të dhëna të mjaftueshme të cilat tregojnë se nevojitet një dozë e tretë e kësaj vaksine.

 

“Ne nuk e dimë nëse vaksinat përforcuese do të jenë të nevojshme për të ruajtur mbrojtjen kundër COVID-19 derisa të mblidhen të dhëna shtesë, por pyetja është duke u shqyrtuar nga studiuesit. Ka të dhëna të kufizuara në dispozicion për sa kohë zgjat mbrojtja nga dozat aktuale të vaksinave COVID-19 dhe nëse një dozë shtesë përforcuese do të ishte e dobishme dhe për kë”, thuhet në  raportin e OBSh-së.

 

Pavarisht se nuk ka të dhëna që tregojnë se nevoitet një dozë e tretë ,Suedia njoftoi se në vjeshtë do të fillohet me administrimin e dozës së tretë kundër COVID-19. 

 

“Për shkak se virusi pëson mutacione, përhapja e COVID-19 po rritet në shumë vende pavarësisht vaksinimit të dytë. Edhe shum persona janë vaksinuar, ka nga ata që janë infektuar me variantin Delta. Për këtë është e nevojshme edhe doza e tretë”, theksoi koordinatori i vaksinave në Suedi, Richard Bergström.