Vazhdon zjarrvënia e qëllimshme në fusha, ekspertët: Zjarri dëmton tokën, mos i ndizni arrat

Nuk ka ditë që të mos ndërhyjnë për të fikur zjarret që ndizen në ara, thonë zjarrfikësit në Shtip dhe Kocan. Vetëm ditët e fundit zjarret kanë djegur dhjetra hektarë tokë të mbjellë.

Arsyet e kaq shumë zjarreve nuk dihen por zjarrfikësit thonë se kjo është një dukuri e zakonshme për këtë periudhë të vitit.

“Tani kanë filluar aktivitetet bujqësore dhe si zakonisht fillojnë edhe zjarret. Para së gjithash nga teknika bujqësore e vjetëruar por them se ka edhe zjarre të qëllimshme. Në këtë periudhë, zakonisht kemi pasur nga dy zjarre në ditë, zakonisht në fushat që bëhen gati për mbjelljet  e reja” – tha Toni Atanasov, zjarrfikës.

Mekanizimi i vjetër përbën rrezik më vete për shpërthimin e zjarreve, megjithatë arsyeja kryesore, është zjarrvënia e qëlimshme sepse kështu bujqit më lehtë i pastrojnë nga kashta fushat e tyre për ti bërë gati për mbjelljet e radhës.

Ky veprim ndalohet me ligj por kjo nuk i pengon bujqit e pandërgjegjshëm të shkaktojnë cdo vit zjarre të reja, pa vrarë mëndjen që një gjë e tillë, ul cilësinë e tokës bujqësore ku vetë do të mbjellin.

“Zakonisht bujqit tanë mendojnë se duke i djegur  fushat, i bëjnë ato më pjellore por kjo është gabim. një gjë e tillë para së gjithash dëmton botën shtazore që jeton në këto zona që digjen. Dhe e dyta, falë temperaturave të larta të kësaj periudhe, diegja e arave sjell në shkatërrimin e tërësishëm të pllocës . Është mirë që në vend që të djegin fushat, të përdorin kombajnat për të prerë kashtën” – tha agronomi, Vasko Zlatkovski.

Inspektoriati i bujqësisë paralajmëroi kontrolle të shtuara në terren, veçanërisht në Koçan ku tanimë janë sanskionuar edhe numri më i madh i personave që djegin qëllimisht fushat. Për këtë veprim, ligji parashikon dënim deri në 500 euro. (Farije Dauti – Bakiu, TVM2)