Varianti Delta i Covid 19, disa shtete bëjnë të detyrueshme vaksinën

 

“Nëse nuk veprojmë tani, numri i rasteve do të vijojë të rritet ndjeshëm dhe do të çojë në mënyrë të pashmangshme në shtrimin në spital nga gushti. Pra, është në vazhdim një garë e re.”, tha Emanuel Makron, president i Francës.

 

Gjithashtu, një tjetër masë është dhe pasaporta e imunitetit, e cila në Francë që nga gushti do të jetë e nevojshme për të hyrë në restorante, qendra tregtare, kafene, trena, avionë etj.

 

Edhe Greqia e ka bërë të detyrueshëm vaksinimin ndaj Covid-19 të personelit shëndetësor. Imunizimi I detyrueshëm do të filloje nga 1 shtatori, Ata që refuzojnë mund të përballen me pezullim nga puna, ka deklaruar kryeministri grek Micotakis.

 

“Është e nevojshme që deri në fund të gushtit, 70 për qind e të rriturve të jenë vaksinuar. Me masat e reja në Greqi vetëm klientët e vaksinuar do të lejohen brenda bareve, kinemave, teatrove dhe hapësirave të tjera të mbyllura.”, tha Kirijakos Micotakis, kryeministër i Greqisë.

 

Britania e Madhe ndërkohë po bëhet gati për heqjen e kufizimeve më 19 korrik. Por kryeministri britanik Boris Jonson ka parlajmëruar se vendi duhet të jetë i kujdeshëm, për shkak të përhapjes së infeksoneve të reja.

 

“Derisa përhapja fenomenale e vaksinave i ka ofruar çdo të rrituri disa mbrojtje kundër virusit dhe lidhja thelbësore midis rasteve, hospitalizimit dhe vdekjeve është dobësuar, pandemia globale nuk ka mbaruar ende.”, tha Boris Jonson, kryeministër i Britanisë së Madhe.

 

Edhe Hollanda ka frenuar jetën e natës dhe muzikën, në një përpjekje për të luftuar një numër në rritje të rasteve të koronavirusit, të nxitur nga varianti shumë i transmetueshëm Delta.  Në Holandë rreth 7 000 infeksione të reja u regjistruan në 24 orë, rreth shtatë herë më shumë se javën e kaluar. “Delta” ka detyruar edhe shtetin me më shumë përqindje të vaksinimit, Izraelin të rivendos disa kufizime të covid 19.