Gjyqësori në Nju Jork, nuk e akuzon policin e bardhë për vrasjen e 43 vjeçarit me ngjyrë

 Ky vendim ka nxitur protesta në rrugët e Nju Jorkut, ku kanë marrë pjesë qindra vetë. 

 

Departamenti i Drejtësisë i Shteteve të Bashkuara, tha se do të zhvillojë hetime për këtë incident. Vrasja e 43 vjeçarit, Eric Garner, më 17 korrik në Staten Island ishte xhiruar në video.

 

Në të shihet polici Pantaleo duke e shtrënguar me duart e tij personin Garner rreth qafës, pasi, sipas policisë, ai i kishte rezistuar arrestimit për shitjen ilegale të duhanit. Ky ishte vendimi i dytë i jurisë së madhe, brenda një jave, me të cilin refuzohet ndjekja e policit të bardhë për vrasjen e personit të zi të paarmatosur. 

 

Më parë, vendimi i jurisë së madhe në Ferguson të Misurit për vrasjen e të riut zezak, Michael Brown, ka shkaktuar protesta të ashpra dhe trazira.