Shoqata “Edhe unë jam Mateçi”, donacion për Shtëpinë e Shëndetit në Likovë

Shoqata “Edhe unë jam Mateçi”, me seli në Zvicër, realizoi një tjetër akt fisnik e human, duke i dhuruar “Shtëpisë së Shëndetit” në Likovë një autoambulancë.

 

“Vetë një autoambulancë e kemi pas nga MSH, kështu që për nevojat e komunës së Likovës me 30 mijë banorë vërtetë ka qenë nevojë e kamotshme, e falënderojmë jashtëzakonisht tepër shoqatën “Edhe unë jam Matçi”, për kontributin e dhënë, donacionin e dhënë me të vërtetë kanë bërë një vepër humane.”,- tha drejtoresha në ISHP “Shtëpia E Shëndetit”, Likovë Rukije Miftari.

 

“Është një donacion nga Spitali i Kantonit të St. Gallen që na është dhuru neve si shoqatë dhe ne e pamë të arsyeshme që ta donojmë këtu në ISHP “Shtëpia e Shëndetit” Likovë, nga ku të gjithë banorët mund të shërbehen shpresojmë të shfrytëzohet si duhet, kemi memorandum bashkëpunimi me ISHP “Shtëpia e Shëndetit” Likovë, si dhe me komunën e Likovës dhe shpresojmë të sjellim përsëri donacione.”,- tha kryetari i Shoqatës “Edhe unë jam Mateçi”, Irfan Arifi.

 

“Falënderoj kurbetçarët tanë të cilët gjenden në mesin tonë në çdo kohë, çdo vend po kontribuojnë për vatanin e tyre e për vendin tonë dhe për të mirën e përgjithshme të popullit tonë”,- tha mes tjerash, kryetari i komunës së Likovës, Erkan Arifi.

 

Ndryshe, Shoqata “Edhe unë jam Mateçi”, para disa muajve, një donacion të këtillë, pra autoambulancë ia dhuroi edhe Spitalit të përgjithshëm të qytetit të Kumanovës.