Francë, digjen dy qendra vaksinimi

Një valë protestash kanë shpërthyer në Francë kundër masave kufizuese që ka vendosur qeveria në përpjekje për të frenuar përhapjen e Covid-19. Mijëra qytetarë kanë dalë në rrugët e qyteteve të Francës dhe kanë shkatërruar dy qendra vaksinimi, duke kundërshtuar rregullat e reja kundër Covid.

 

Të dy qendrat e vaksinimit mësohet se janë djegur nga protestuesit . Sipas BBC kanë qenë rreth 100 mijë protestues. Qytetarët kundërshtojnë bërjen e vaksinës me detyrim për punonjësit shëndetësor dhe lejen që duhet të ketë çdo qytetarë për të hyrë në vende të ndryshme publike. Nga qeveria është thënë se masat e reja po merren në përpjekje për të frenuar përhapjen e variantit Delta, që po shkakton një rritje të shtrimeve në spitale. 

 

 

Australia është përfshirë nga protestat kundër masave anti-Covid. Kryeministri, Gladys Berejiklian,  ashpërsoi masat si pasojë e përhapjes së virusit Deltas .Ky vend regjistroi 105 raste në 24 orë, të cilat ishin variant i Deltas. 

 

 

Kryeministri britanik, Boris Johnson, u ka bërë thirrje qytetarëve që t’i ushtrojnë me kujdes liritë e tyre të reja, pasi shumica e kufizimeve të detyrueshme të bllokimit të Anglisë u hoqën. Rregullat e distancimit shoqëror që, në një formë apo në një tjetër, kanë ”qeverisur” jetën e njerëzve për më shumë se një vit, më në fund morën fund nga sot.

 

Maskat nuk janë më të detyrueshme në dyqane dhe në transportin publik, kufijtë e mbledhjeve janë hequr dhe puna nga shtëpia ka përfunduar.Klubet e natës, teatrot dhe restorantet mund të hapen plotësisht, ndërsa pub-et nuk janë më të kufizuara.

 

Johnson ka thënë se pavarësisht rritjes së numrit të të infektuarve, tani është koha që ekonomia të rihapet, pasi gati 90% e popullsisë së rritur ka marrë të paktën një dozë të vaksinës, ndërsa 68 % të dyja dozat.