Osmani promovon projektin e ri të MPJ-së, “Diplomacia e Gjelbër - Normaliteti i Ri”

Të punësuarit në MPJ  do të përdorin trotinetë elektrik  si shembull  për sjellje dinjitoze  dhe të përgjegjshme  ndaj mjedisit jetësor,  si dhe ndaj problemit me ndotjen e ajrit.

Ministri i Punëve të Jashtme, Bujar Osmani, përmes një komunikate bëri promovimin e trtinetëve,  duke thënë se ky shte shembull i sjelljes së përgjegjshme ndaj mjedisit jetësor dhe problemit të ndotjes së ajrit.

“Me këtë gjest simbolik, MPJ fillon me promovimin e projektit ‘Diplomacia e gjelbër- normaliteti i ri’, e cila do të zhvillohet në disa faza. Vizioni ynë është të bëhemi vendi i parë në rajon i cili do të sigurojë ambient të pastër për punë, jo vetëm të ndërtesës së Ministrisë, por edhe të rrjetit diplomatik. Përdorimi i trotinetëve , motocikletave dhe bicikletave  për destinacione të shkurtra eshte tejet i qelluar. Përmes shembujve të tillë, ndihmohet vendi, lirohen hapësirat, si dhe kontribuohet për një mjedis më të pastër jetësor. Më lançimin e  ketij projekti  MPJ  bëhet shembull i sjelljes së përgjegjshme shoqërore”, ka thënë ministri i punëve të jashtme Buajr Osmani.

Opozita shqiptare ka reaguar duke thënë se blerja e disa trotinetëve për të punësuarit në Ministrinë e Punëve të Jashtme është vetëm një tentim për të mbuluar luksin e funksionarëve të BDI-së.

“Tani që ministri ka dështuar në çdo fushë të përgjegjësisë dhe ka sjellur diplomacinë dhe procesin integrues ne gjendje kolapsi, i del kohë të bëjë Projekte koti me trotineta 200 euroshe”, thuhet ne reagimin e Aleances per shqiptaret.