Covid vend, 10 të infektuar, 16 të shëruar e 2 të vdekur

Gjatë 24 orëve të fundit në mbarë vendin nga 2.473 teste të kryera janë regjistruar 10 raste të reja me Covid-19, prej të cilëve 7 vetëm në Shkup.

Në ndërkohë nga Instituti i Shëndetit Publik njoftojnë se janë shëruar 16 pacientë, ndërsa betejën me Covid-19 e kanë humbur 2 pacientë, një nga Tetova dhe një nga Gostivari.

Që nga fillimi i pandemisë, në vend janë regjistruar gjithsej 156.086 raste, prej të cilëve 150.295 janë shëruar, kurse 5.491 kanë ndërruar jetë. Aktualisht në vend janë 300 raste aktive me Covid-19.

Ndërkohë, vazhdon vaksinimi në vend, pa termine të caktuara, përveç qytetarëve të cilët nuk mund të shkojnë për t’u vaksinuar në pikat e vaksinimit, ata mund të caktojnë vaksinimin në kushte shtëpiake.

Caktimi i terminit është përmes paraqitjes direkte në shtëpitë e shëndetit, ndërsa mund ta bëjnë drejtpërdrejt në pikat e vaksinimit, ka bërë të ditur Ministria e Shëndetësisë.

Po ashtu caktim të terminit për vaksinim  nevojitet edhe për fëmijët nga 12 deri në 18 vjeç. (Rejhane Bushi – Metaj, TVM2)