Në SHBA, vazhdojnë protestat kundër diskriminimit

Manifestuesit bllokuan autostradat në qytetin e Nju Jorkut, duke shkaktuar probleme në qarkullimin rrugor.

 

Protestuesit shprehën indinjatën për vendimin e Jurisë së Madhe të Nju Jorkut për të mos e proceduar penalisht policin, Danien Pantaleo, i cili në korrik vrau afro-amerikanin e paarmatosur, Erik Garner.

 

Sipas tyre, ky është një rast i përsëritur dhe mbase edhe i tepruar.

 

“E pra, probleme ndodhin në të gjithë Amerikën dhe tani ajo është aq afër shtëpisë sonë, është e  vështirë për ta injoruar. Miku ynë u vra në pragun e  shtëpisë së tij, duke sjellë ushqim për fëmijët e tij. Ai nuk ishte i armatosur, nuk bëri asgjë, por ai u godit mbi baza racore. Ne nuk do të rrimë duarkryq dhe të shikojmë, ndërsa njerëzit tanë të vriten”- deklaroi protestuesi, Vox Pop.

 

Departamenti i Drejtësisë, nisi dje një hetim lidhur me mënyrën e procedimit të Jurisë së Madhe në dhënien e vendimeve. 

 

Veç Nju Jorkut, protesta të komunitetit afro-amerikan pati edhe në Çikago e Uashington.