Sivjet dyfishohet numri i të prekurve nga gripi

Javën e kaluar janë regjistruar 192 raste, bëjnë të ditur nga Qendra e Shëndetit Publik.

 

Është në rritje edhe numri i të hospitalizuarve në Klinikën Infektive, për shkak të komplikimeve kryesisht të traktit respirator.

 

“Ne si isolate kemi të paraqitur shtatë raste, që janë vërtetuar me virusin A dhe B edhe këto janë më frekuente, ndërsa virusi i gripit pak më rrallë, tash ata nëntipat tjerë i vërtetojmë me isolate. Virusi i gripit  i sulmon rrugët e sipërme të frymëmarrjes dhe moshat më të vjetra, gratë shtatzëna, te fëmijët varësish se sa ata kanë pritur të komplikohet puna”- deklaroi doktoresha në Qendrën për Shëndet Publik, Lulzime Barjami.

 

Prevenca më e mirë është vaksinimi i popullatës, andaj u bëhet thirrje qytetarëve që të vaksinohen për t’i parandaluar komplikimet e mundshme. 

 

“Për t’i parandaluar komplikimet e mundshme te pacientët, për atë e kemi bërë vaksinimin e popullatës, që deri tash kemi harxhuar 5200 vaksina për të parandaluar gripin”- tha Barjami.

 

Numri më i madh i të sëmurëve nga gripi është regjistruar në Tetovë dhe arrin në 365 raste, ndërsa në tetë qytete në vend ende nuk është paraqitur asnjë rast i tillë.