Masa të reja shtrenguese, në ambiente të mbyllura vetëm të vaksinuarit

 

“Deri më tani, ishte në kompetencat e inspektoriateve për të kontrolluar respektimin e protokolleve dhe sa është mbushur kapaciteti në një hapsir. Këtë javë ne do t'i bëjmë ato koordinime në mënyrë që të gjithë të dinë kompetencat e tyre. Të gjitha institucionet ku organizohen ngjarje të tilla janë të detyruara të kenë një shërbim policor që do të kërkojë ato çertifikata, dhe kontrolli i mëtejshëm do të jetë përmes inspektoratit.”, tha Mministri i Shëndëtësisë Venko Filipçe.

 

 

Në vend për monetin situate më kritike është në Tetovë, ku hospitalizohen më së shumti qytetarë.

 

“Jemi në fillim të një vale të re dhe kjo po ndodh gjithandej rajonit. Këtë e dëshmojnë shifrat e infektimeve të reja që rriten tek ne dhe vendet fqinje. Kjo reflektohet edhe në spitalet. Për momnetin Tetova është qyteti më kritik, ku ka shumë pranime në Repartin Infektiv dhe në spitalin mobil. Tashmë janë hospitalizuar rreth 45 pacientë. Jemi marrë vesh, nëse ka nevojë një pjesë e pacientëve të transferohen në Klinikën Infektive në Shkup. Më shumë se gjysma e pacientëve të hospitalizuarve në Tetovë kanë qenë në ahengje dhe festa.”, tha Filipçe.

 

Ministri Filipçe tha se qytetet me më shumë raste të reja janë Gostivari, Kumanova, Kërçova, Strumica e Kavadari, ndërsa në qytetet e tjera nuk ka presion shumë të madh.Numri i rasteve me llojin Delta po rritet edhe në vendet e rajonit, ku ministri filipce edhe njëher ripërsëriti se vaksina mbetet mekanizmi i vetëm me të cilin mund ta ndryshojmë situatën në vend.  Ai gjithashtu informoi se  nga numri i përgjithshëm i të shtruarve në spitale, nën 10% janë pacientë që janë vaksinuar me dy doza dhe nuk janë në gjendje kritike.