ITKSH prezenton librin “Luboteni 2001”, ende nuk është kërkuar falje për masakrën

Luboteni 2001, studime, raporte, dokumente dhe fotografi nga autorët Skender Asani, Sevadail Demiri dhe Zeqirija Ibrahimi është përshkrimi më i mirë për masakrën e popullsisë civile shqiptare nga forcat maqedonase në vitin 2001.

Ky libër shtjellon me hollësi  profilet e të masakruarve, duke filluar nga Erxhan Aliu, 5 vjeç, deri te Memet Memeti 79 vjeç,  duke sqaruar me argumente se pushteti i athershëm nuk kurseu as pleqët e as fëmijët, granatoi dhe dogji fshatin Luboten. Autorët e librit vlerësojnë se shteti duhet t’i kërkoj fajle shqiptarëve.

“Pa një kërkim falje nuk do të kemi një shtet i cili do të prosperon nga proceset eurointegruese. Pa një ballafaqim me të kaluarën nuk mund të ketë edhe prosperim të këtij shteti” – thotë autori i librit, Skender Asani.

“Është libri i parë i dokumentuar shkencërisht për këtë ngjarje dhe që vjen natyrisht në kohë shumë  me vend, pra në shënimin e 20 vjetorit të masakrës së Lubotenit, si një kujtim për viktimat  e pafajshme në gusht të vitit 2001 pak para arritjes së paqes me Marrëveshjen  e Ohrit” – deklaroi autori i librit, Sevdail Demiri.

Teksa ende falje nuk është kërkuar, janë shpenzuar 9.5 milionë euro për mbrotjen e të akuzuarve kryesor Boshkovski dhe Tarçullovski,  përgjegjësit kryesor për masakrën ndaj civilëve shqiptar.

“Shteti kishte dhënë miliona euro për mbrojtjen e dy njerëzve që realisht ishin fajtor kryesor për vrasjen e populates civile shqiptare” – tha Nuredin Ahmeti, studiues nga Prishtina.

“Ne si banor të Lubotenit vërtet ndjehemi  mire që kemi miq e kujdestar  të këtillë që një ngjarje që mund të mbulohej nga pluhuri i harresës e kanë përjetësuar në libër dhe në emision dokumentar” – tha Kryetari i Bashkësisë Lokale, Rexhep Ymeri.

“Kur Luboteni digjej” nga autori Genc Ymeraj ishte titulli i dokumentarit që u prezentua për të  rikujtuar masakrën ndaj popullsisë civile  më 12 gusht të 2001. (Flutura Latifi, TVM2)