Gostivar, rritja e infektimeve me Covid është shqetsuese

 

Spitali i Gostivarit do të vë në dispozicion edhe repartet e tjera në rast nevoje, ndërsa personelit të vogël në numër të repartit të infektologjisë do t’i bashkangjiten edhe personeli mjekësor i këtij spitali. Sipas analizave epidemiologjike për momentin, numri i përgjithshëm i personave të diagnostikuar me KOVID në Gostivar dhe dy komunat fqinje Vrapciste dhe Mavrovë – Rostushë që nga fillimi i pandemisë është 5,683 të infektuar. Aktualisht në Gostivar ka 467 raste aktive. Një situatë e tillë alarmante si duket nuk është boll për të ndërgjegjësuar qytetarët që t’iu përmbahen masave të Ministrisë së shëndetësisë. Më e keqja, sipas organeve të punëve të brendshme, shumë qytetarë të infektuar janë larguar pa paralajmërim nga vendi dhe janë kthyer në shtet e Evropës perëndimore, atje ku punojnë, ose kanë shkuar për pushime vjetore në det.