Turqia e pushtuar” nga uji, 40 viktima dhe qindra të zhdukur

 

Në Turqi Numri i të vdekurve nga përmbytjet e mëdha dhe rrëshqitjet e dheut, është rritur në 40. Shirat e rrëmbyeshëm që goditën krahinat e Detit të Zi, Bartin, Kastamonu dhe Sinop shkaktuan përmbytje që shkatërruan shtëpitë, prishën të paktën pesë ura, morën përpara makina e pemë dhe i bënë rrugët e shumta të pakalueshme. Agjencia turke e katastrofave AFAD raporton edhe për qindra të zhdukur.

 

Rreth 2,250 njerëz u evakuuan në të gjithë rajonin, disa u ngritën nga çatitë me helikopterë dhe shumë u vendosën përkohësisht në konviktet e studentëve. Para përmbytjeve, jugu i Turqisë u godit nga zjarret që shkatërruan tokat pyjore në provincat bregdetare të Mugla dhe Antalia, të cilat janë të njohura për turistët. Të paktën tetë persona vdiqën dhe mijëra banorë u detyruan të largoheshin.