Ndërron jetë njeriu më i gjatë në Shtetet e Bashkuara

 

38-vjeçari i lindur në Ukrainë, i cili ishte 2 m e 34 cm i gjatë ndërroi jetë në një spital në Minnesota i rrethuar nga të afërmit e tij.

 

Lajmi u shpërnda në Facebook nga nëna e tij Svetlana Vovkovinska, punonjëse e këtij spitali më 20 gusht.

 

Vovkovinskiy lindi më 8 shtator 1982, në Bar të Ukrainë. Ai shkoi në klinikën Mayo në 1989 si një fëmijë 7-vjeçar, 180 cm i gjatë, me nënën e tij, pasi kirurgët ukrainas nuk e operonin.

 

Gjiganti zemërmirë vuante nga një gjendje e quajtur gjigantizëm i hipofizës.