Erik Holder publikoi udhëzime për policinë në SHBA

Me këto tri drejtime, në përjashtim të rasteve për siguri nacionale, ndalohet arrestimi apo kontrolli i identitetit në bazë të orientimit nacional, etnik, fetar apo seksual.

Holder e paralajmëroi plani që javën e kaluar, në jehonë të protestave në Ferguson, të bëra sipas vendimit të autoriteteve për të mos ngritur akuzë kundër policit të bardhë Daren Uillson, i cili vrau adoleshentin me ngjyrë të paarmatosur, Majkëll Braun.

Këtë hap për një kohë më të gjatë e kërkuan aktivistët për të drejta të njeriut.

Holder tha se me rastin e incidenteve të cilat ndodhën para ca kohësh, imperativ është të ndërmerret gjithçka që të sigurohet praktikë e fuqishme dhe e shëndoshë policore, duke theksuar se me udhëzimet e reja është bërë një hap i madh dhe i rëndësishëm.

Standardet e reja nuk kanë të bëjnë me kontrollin kufitar, siç është konfirmim i identitetit apo bagazhit të aeroporteve, që mbetet në kompetencë të sektorit amerikan për siguri të brendshme.

Në të njëjtën kohë, prokurori shtetëror i Nju-Jorkut, Erik Shnajderman, bëri thirrje që të hetohen edhe para drejtësisë të dalin policët të cilët vranë civilë të paarmatosur.

Vrasjet e civilëve të paarmatosur shkaktuan protesta në mbarë SHBA-në.