Vazhdon hetimi për tragjedinë, ekspertët gjermanë arritën në spitalin modular

Ekipi përbëhet prej katër ekspertësh, dy prej tyre janë për hetim të zjarrit dhe dy për matje lazerike të hapësirave dhe për fotografim.

 

Ministria e Brendshme tashmë ka përgatitur ndihmë adekuate në formën skicave, planeve dhe informacioneve që mund të ndihmojnë në kontrollimin e përbashkët të fakteve.

 

Ekipi i ekspertëve pritet të qartësojë dilemat se si erdhi deri te zjarri gjatë të cilit jetën e humbën tragjikisht 14 persona, mes tyre 12 pacientë Covid dhe 2 të afërm që kujdeseshin për ta si dhe u lënduan  12 pacientë të tjerë.

 

Krahas ekspertëve gjermanë vazhdojnë ndërkohë edhe hetimet nga prokurorët vendas që po shqyrtojnë çdo provë dhe dokumentacion për të zbardhur shkaqet e kësaj tragjedie të rëndë.

 

Edhe prokuroria për ndjekje të krimit të organizuar dhe korrupsionit vazhdon hetimin e dokumentacionit të të gjithë spitaleve modulare të ndërtuara në vend.