Nga nëntori SHBA hap kufijtë për udhëtarët e vaksinuar

SHBA po lehtëson kufizimet e saj të udhëtimit të koronavirusit, duke u rihapur për pasagjerët nga Mbretëria e Bashkuar, BE dhe kombe të tjera.

 

Nga Nëntori, udhëtarët e huaj do të lejohen të fluturojnë në SHBA nëse vaksinohen plotësisht dhe i nënshtrohen testimit dhe gjurmimit të kontakteve.

 

SHBA ka pasur kufizime të ashpra për udhëtimet në vend që nga fillimi i vitit të kaluar.

 

Masa i përgjigjet një kërkese të madhe nga aleatët evropianë dhe do të thotë që familjet e ndara nga kufizimet mund të ribashkohen, shkruan BBC.

 

Koordinatori i Shtëpisë së Bardhë Covid-19, Jeff Zients njoftoi rregullat e reja të hënën (20 shtator).

 

Kufizimet amerikane fillimisht u vendosën për udhëtarët nga Kina në fillim të vitit 2020, dhe më pas u shtrinë në vende të tjera.

 

Rregullat aktuale ndalojnë hyrjen për shumicën e qytetarëve jo-amerikanë që kanë qenë në Mbretërinë e Bashkuar dhe një numër vendesh të tjera evropiane, Kina, India, Afrika e Jugut, Irani dhe Brazili brenda 14 ditëve të fundit.

 

Sipas rregullave të reja, udhëtarët e huaj do të duhet të paraqesin  dëshmi të vaksinimit, të kenë një rezultat negativ të testit Covid-19 dhe të japin informacion kontakti. Nuk do tu kërkohet të karantinohen.