Çmimi “Nobel për Paqe”, për aktivitetet e të drejtave të fëmijëve

Malala Yousafzai nga Pakistani dhe Kailash Satyarthi nga India, kanë marrë Çmimin “Nobel për Paqe”, për rrezikimin e jetës së tyre për të luftuar për të drejtat e fëmijëve. Malala, 17 vjeçare,bëhet personi më i ri ndonjëherë që fitoi Çmimin “Nobel”. Ajo dhe Satyarthi morën çmimin në një ceremoni në kryeqytetin norvegjez.

 

"Aq shumë OJQ janë duke punuar, ndërsa qeveritë janë duke e marrë këtë çështje seriozisht. Pra, mund të them me bindje të fuqishme se do të shohim një ditë fundin e dhunës së ushtruar ndaj fëmijëve”- deklaroi Kailash Satyarthi.

 

Duke thënë se të gjithë fëmijët kanë të drejtën e fëmijërisë dhe të arsimit në vend të punës së detyruar, kryetari Komitetit të “Nobelit”, Thorbjorn Jagland, tha se "për këtë nuk ka asnjë shprehje më të mirë se vetë fituesit e këtij viti". 

 

Çmimi “Nobel” për Mjekësi, Fizikë, Kimi dhe Letërsisë do të shpërndahen në Stockholm më vonë, gjatë ditës së sotme. Ceremonitë e dhënies së çmimeve janë mbajtur gjithmonë më 10 dhjetor, në përvjetorin e vdekjes së themeluesit të çmimit, Alfred Nobel, në 1896.