Tërmet i fuqishëm në Australi, “thërrmohen” ndërtesat, tmerr në Melburn

Një tërmet me fuqi prej 5.9 sipas shkallës Rihter ka goditur pjesën juglindore të Australisë, duke shembur e dëmtuar një sërë ndërtesash në Melbourne, e duke bërë që njerëzit të dalin të tmerruar nëpër rrugë. Epiqendra ishte relativisht pranë sipërfaqes, ne një thellësi prej vetëm 10 km.

Melburni ka hyrë në një izolim 8 javor për shkak të koronavirusit, e për këtë arsye, shumë banore ishin në shtëpi.

Kryeministri i Australisë, Scott Morrison thotë  megjithatë se : “nuk ka raporte për lëndime serioze dhe ky është lajm shumë i mirë”.

Lëkundjet u ndien edhe në Australinë Jugore dhe në Uellsin e Ri Jugor. Pas tërmetit kryesor u regjistruan edhe dy goditje te tjera me magnitudë 4. dhe 3.1.

Ndonëse ky është tërmeti më i fuqishëm në Australi këto vitet e fundit, dëmet e tij nuk ishin aq të mëdha sa c`mund të pritej, thonë mediat lokale, edhe pse ne Melburn u shkatërruan një sere ndërtesash. Tërmeti me shkallën më të lartë ndonjëherë në Australi u raportua gjatë vitit 2019, kur lëkundjet arritën në 6.6 shkallë të Rihterit. (Leunora Kaliqi, TVM2)