Zgjedhjet lokale 2021, TVM 2 gati për prezentimin e fushatës

 

Sipas nenit 76 të Kodit Zgjedhor, “Servisi publik është i detyruar të sigurojë përfaqësim të adekuat të pjesmarrësve në fushatën zgjedhore,  më saktë, 30% e kohës në edicionet qëndrore informative do t’iu kushtohet informacioneve nga ngjarjet e  ditës në vend dhe botë, 30% e kohës ndahen për aktivitetet e partive politike në pushtet, 30% e kohës për aktivitetet e partive politike në opozitë dhe 10 % për aktivitetet e partive politike , që nuk janë të përfaqësuara në Kuvendin e RM-së”. 

 

Rregullativa ligjore nuk parashikon kohë televizive për aktivitetet e kandidatëve të pavarur, por marrë arasysh detyrimin ndaj shikuesve dhe rolin e  Servisit publik, TVM 2 do të përpiqet që të mbulojë sipas mundësive , edhe aktivitetet e tyre, në kuadër të kohës prej 10% , që sipas ligjit u takon aktiviteteve të partive politike,  që nuk janë të përfaqësuara në Kuvend. TVM 2 do të respektojë në tërësi edhe obligimet që dalin nga neni 76, alinea 12 e Kodit Zgjedhor, sipas së cilit, “Që nga dita e shpalljes së zgjedhjeve deri në mbajtjen e tyre, informacionet reth aktiviteteve të rregullta të organeve shtetërore, të komunave dhe qytetit të Shkupit, institucioneve shtetërore si dhe aktivitetet e personave juridikë dhe të tjerëve që sipas ligjit kryejnë funksione publike, nuk guxojnë të jetë në funksion të prezentimit mediatik zgjedhor të asnjë subjekti politik”.

 

Duke pasur parasysh të drejtën e patjetërsueshme të qytetarëve për informim dhe për qëndrimet e të gjitha subjekteve relevante  politike, si dhe ndryshimet në qëndrimet dhe politikat e këtyre subjekteve, vecanërisht në periudhën e zgjejdheve , TVM 2 do të fokusohet në emetimin e emisioneve debative që nisin nga kjo e martë e deri më 15 tetor,  përmes të cilave qytetarët më lehtë do të mund të kuptojnë qëndrimet e kandidatëve për kryetarë komunash . Në rastet kur kandiatët e caktuar do të refuzojnë ftesën për pjesmarrje në debat, TVM 2 do të lërë karriken të shprazur dhe do të njoftojë shikuesit për arsyet e refuzimit. Gjithashtu gjatë këtyre javëve të fushatës, kandidatët kanë të drejtë ligjore të shfrytëzojnë edhe minutazhin e caktuar si pjesë e “Prezetimit zgjedhor pa pagesë”, me minutazh të njejtë për të gjithë pjesmarrësit që duan ta shfrytëzojnë. Çdo javë ndërkohë, ecuria e procesit zgjedhor, do të analizohet me ekpertë e analistë edhe në emisionin debativ, Argument.

 

TVM 2 është në shërbim të shikuesve të tij dhe të së drejtës së tyre për të qenë të informuar në mënyrë korrekte.