Në Kabul vriten pesë ushtarë afganë

Ngjarja ka ndodhur në mëngjesin e ditës së enjte. Një zyrtarë nga Ministria e Mbrojtjes së Afganistanit, në kushte anonimiteti, i ka thënë agjencisë AP se pesë ushtarë janë vrarë dhe tetë të tjerë janë plagosur.

Talebanët e kanë marrë përgjegjësinë për sulmin. Sulmi shënon rifillimin e një fushate anti-qeveritare nga ana e militantëve, pas një kohe kur ka pasur qetësi nga shpërthimet në Kabul.

Javëve të fundit është vërejtur se talebanët kanë në cak ushtarët afganë, stafet diplomatike dhe të huajt në Kabul e përreth.