Von Der Lejen nga Tirana: Shqipëria së shpejti do të jetë pjesë e BE-së

 

"Plani i investimeve ekonomike do krijojë vende pune, do sjellë rritje ekonomike në rajon, por thelbësore që partnerët të ecin për tregun e përbashkët rajonal. Ne do të qëndrojmë krah jush. Sa më i shpejtë procesi aq më i shpejtë edhe procesi i anëtarësimit në BE dhe nuk ka pikë dyshimi. Unë jam e vendosur që kjo gjë të bëhet realitet dhe ne të kemi konferencën e parë ndërqeveritare. Po punojmë për këtë gjë dhe dua që në të fillojmë para fundit të vitit.", tha Presidentja e Komisionit Europian, Ursula Von der Leyen.

 

"Presidentja e përsëriti që para përfundimit të vitit të kryhet konferenca e parë ndërqeveritare që Shqipëria të ulet në tryezë me BE dhe të nisë negociatat për anëtarësim. Sa më takon mua, e kam thënë dhe më parë dhe e përsëris, nuk vë më bast për asnjë datë, për asnjë afat dhe pres me qetësinë e plotë si rastin kur ndodh dhe nuk ndodh. Jemi përgatitur disa herë për dasëm dhe krushqit nuk janë paraqitur. Tani nuk përgatitemi për dasëm, i bëjmë deklaratat e dashurisë pore se kur ndodh dasma, e kanë në dorë krushqit.", tha kryeministri i Shqipërisë, Edi Rama.

 

Edhe sa i përket nismës “Open Balkan”, Von der Leyen shprehu mbështetje të plotë, për sa kohë nuk del nga kornizat e procesit të Berlinit. Ndërsa Rama, sqaroi se kjo nismë, lindi si nevojë për përshpejtim të zhvillimit të Ballkanit.

 

 

Vizita e Presidentes së KE-së në Shqipëri vjen pas vizitës së kancelares gjermane, Angela Merkel, e cila nënvizoi se Ballkani Perëndimor ka shumë miq në Europë, duke kërkuar nga BE të mbajë fjalën për integrimin e Rajonit.