Zgjedhjet lokale 2021, “E majta” prezantoi vizionin për Aerodromin

 

“Bulevardet duam ti bëjmë me rrethrrotullime, sa i përket urbanizimit në trafik, pasi që para së gjithash nevojitet një qarkullim I vazhdueshëm në komunikacion dhe në këtë formë edhe të ngadalësohet. Një pjesë e madhe e aksidenteve tek ne ndodhin për shkak të vozitjes së shpejtë posaçërisht për shkak të segmenteve të lartpërmendura. Konsiderojmë se ky është edhe një problem që duam të fokusohemi.”,- deklaroi kandidatja e Së Majtës në Aerodrom, Vesna Kiraxhieva.

 

Kiraxhieva thotë se do të angazhohet edhe në mënjanimin e politikës dhe partizimit në institucione. Ajo këtë e shikon si problematikë tejet serioze në Aerodrom dhe thotë se me ardhjen në krye të komunës do ta ndërpresë praktikën e punësimeve me libreza partiake.

 

“Ky sistem i partizimit dhe politizimit me të vërtetë duhet të çrrënjoset. E shohim gjatë gjithë kohës se si premtojnë, edhe pushteti i kaluar, edhe ky pushtet se kjo s’do të ndodh, megjithatë po ndodh dhe i gjithë ky sistem është i ngujuar për arsye se ne nuk mund të luftojmë si qytetarë kur hyjmë në një institucion të mos na shohin ndryshe, se vendi i tyre i punës do të rrezikohet nëse ne si qytetarë do të ankohemi kudo qoftë se jemi të pakënaqur pasi që janë kuadër partiak dhe nuk mund që të përballesh me këtë.”,- tha kandidatja e Së Majtës në Aerodrom, Vesna Kiraxhieva.

 

Për zhvillimin e kulturës planifikon ndërtimin e qendrës kulturor për të rinjtë, objekteve sportive si dhe zhvillimin e arsimit. Planifikimet e tilla, sipas Karaxhievës mund të bëhen realitet vetëm me një administratë të shëndoshë komunale të cilën e ofron “E Majta” në opozitë bashkë me kandidatët për këshilltarë komunalë.