Botë
EMA miraton dozën e tretë të vaksinës anti-Covid
05.10.2021 11:29
Agjencia Evropiane e Barnave EMA ka miratuar dozën e tretë të vaksinës antiCOVID-19....
Agjencia Evropiane e Barnave EMA ka miratuar dozën e tretë të vaksinës anti COVID-19. Sipas saj, vaksina Pfizer dhe Moderna mund t’u jepet njerëzve me sistem imunitar të dobët të paktën 28 ditë pas dozës së tyre të dytë. Rekomandimi vjen pasi studimet treguan se një dozë shtesë e këtyre vaksinave rrit aftësinë për të prodhuar antitrupa kundër COVID-19. Edhe pse nuk ka dëshmi të drejtpërdrejta se aftësia për të prodhuar antitrupa në këta pacientë të mbrojtur kundër COVID-19, pritet që doza shtesë të rrisë mbrojtjen të paktën në disa pacientë.
EMA do të vazhdojë të monitorojë çdo të dhënë që del mbi efektivitetin e saj. Për personat me sistem imunitar normal studimet tregojnë një rritje të niveleve të antitrupave kur një dozë përforcuese jepet afërsisht 6 muaj pas dozës së dytë tek njerëzit nga 18 në 55-vjeç. Bazuar në këto të dhëna, Komiteti arriti në përfundimin se dozat përforcuese mund të konsiderohen të paktën 6 muaj pas dozës së dytë për personat e moshës 18 vjeç e lart. EMA do të vazhdojë të shikojë të gjitha të dhënat mbi sigurinë dhe efektivitetin e vaksinës. Komiteti aktualisht po vlerëson të dhënat për të mbështetur një dozë përforcuese për Spikevax dhe do të komunikojë rezultatin kur vlerësimi të ketë përfunduar.