Zgjedhjet lokale 2021, VMRO-DPMNE mbajti tubim në “Gjorçe Petrov”

 

 

“Do t’u tregojmë se si zgjidhet problemi shumëvjeçar me ndërtimin e vijës së lumit Lepenc dhe shndërrimin në vend rekreativ. Atje të rinjtë do të shoqërohen, pensionistët do të kenë mundësi të shëtisin, ndërsa të tjerët do të gjejnë mundësi për rekreacion duke u bazuar në atë që do ta ndërtojmë atje. Kaosin në komunikacion do ta zgjidhim përmes ndërtimit dhe rikonstruimit të rrugëve. Unë nuk jam person që ja lejoj vetes të premtojë projekte që nuk mundem t’i realizojë atë nuk ma lejon profesioni im. Duam të punojmë dhe të krijojmë për komunën tonë.”,- deklaroi kandidati për kryetar në “Gjorçe Petrov” - VMRO-DPMNE, Aleksandar Stojkovski.

 

Është tragjedi që në shekullin 21, Kuçkovo nuk ka ujë të pijshëm, ka vendbanime të harruara që nuk kanë kanalizim dhe rrjetë ujësjellësi e as rrugë të asfaltuara, tha gjatë tubimit në “Gjorçe Petrov”, kandidatja e pavarur Daniela Arsovska që mbështetet nga VMRo-DPMNE dhe Koalicioni. Ajo para qytetarëve të Gjorçes prezentoi vizionin e saj se si do të duket Shkupi nëse ajo fiton besimin e qytetarëve.

 

“Shkupjanë çdo ditë tregojnë se vazhdimisht i ju premtohet disa projektet megalomane të cilat  deri më sot kanë ngelur vetëm në letër, në 3D animacione dhe fotografi që na i tregojnë çdo ditë. E këto të dashur qytetarë janë premtime boshe. Premtime boshe nga njerëz që nuk kanë punuar 4 vite dhe janë zgjuar nga gjumi katër muaj para se t’ju mbaroj mandate. Janë zgjuar që tani t’ju tregojnë se atë që se kanë bërë 4 vitet e kaluara tani do ta bëjnë. E pra më falni ama koha juaj ka mbaruar.”,- tha kandidatja e pavarur për komunën e Shkupi, Daniela Arsovska.

 

Gjatë tubimit në “Gjorçe Petrov”, kryetari i VMRO-DPMNE-së, Hristian Mickoski, akuzoi pushtetin se ka pasur katër vite kohë që të realizojnë premtimet, por ata në vend të një jetese më ë mirë për të gjithë, ata sollën korrupsionin, kriminalitetin dhe varfërinë. Me LSDM-në në pushtet Maqedonia nuk do të bëhet pjesë e familjes evropiane as deri në vitin 2030. Gjithçka që premtuan e kishin gënjeshtër, tha Mickoski. Kandidatët e VMRO-DPMNE-së dhe Koalicionit janë persona punëtorë dhe të ndershëm që do të sjellin ardhmëri më të mirë dhe ndryshime në Maqedoni tha Mickoski duke kërkuar nga qytetarët që më 17 tetor të votojnë dhe t’u japin fund eksperimenteve që po realizohen në shëndetësi, ekonomi, dhe pushtetin lokal.  Mickoski theksoi se është e nevojshme në këto zgjedhje lokale të dalim masivisht me mbështetje dhe të mos lejojnë që LSDM të vazhdojë të abuzojë me mirësinë e qytetarëve.