Indeksi i Burokracisë për vitin 2020, RMV efikase sa u përket procedurave

Në krahasim me vendet e tjera Maqedonia e Veriut, ka barrën më të ulët burokratike sa i përket numrit të procedurave dhe numrit të orëve që kompanitë shpenzojnë për të përfunduar të gjitha detyrimet ndaj shtetit.

 

Ky është rezultateti i sondazhit që ka treguar Indeksi i Burokracisë për vitin 2020, një hulumtim që po zbatohet në disa vende evropiane, përfshirë Maqedoninë e Veriut.  

 

“Maqedonia qëndron më mirë se të gjitha vendet që janë përfshirë në sondazh. Këtë vit ishin Çekia, Sllovakia ndërsa vitin e kaluar ishin 6-të vende. Në raport me vitin 2020 ky indeks është ulur që do të thotë se barra për kompanitë është ulur.”, tha Nikica Mojsovski Bllazhevski, drejtoreshë e organizatës “Maqedonia 2025”.

 

Zëvendëskryeministri për çështje ekonomike Fatimir Bytyqi tha se qeveria zbaton një sërë aktivitetesh dhe bën përpjekje për të thjeshtëzuar detyrimet burokratike të kompanive.

 

 

Indeksi i Burokracisë për vitin 2020, është një hulumtim që  zbatohet në disa vende evropiane, i cili përmes projektit të përbashkët "Drejt zvogëlimit të barrës burokratike", realizohet nga "Maqedonia 2025", Instituti për Studime Ekonomike dhe Sociale nga Republika Sllovake dhe zyra rajonale e Fondacioni Friedrich Nauman.