Shtajneker: Dallimet mes Shkupit dhe Sofjes janë të theksuara

Ish diplomatja gjermane  në vendet ballkanike  dhe njohëse e çështjeve në rajon, Gudrun Shtajnaker,  nuk është optimsite se problemet dypalëshe mes Shkupit dhe Sofjes do të mund të zgjidhen për një kohë të shkurtër, madje thotë se duke i ditur argumentet dhe  qëndrimet e të  dyja palëve,  dy shtetet nuk  do të arrijnë të dakorodet pa ndihmën e  shtetit ndërmjetësues.

Shtajneker: Sofja të mbështesë RMV-në për fillimin e bisedimeve

Për radion bullgare, Shtajnaker ka potencuar se Bullgaria nuk duhet të jetë  pengesë  e rrugës së integrimit të RMV-së, pasi që sipas saj, për momentin bëhet fjalë vetëm për nisje të negociatave.

Të dyja palët, duke respektuar frymën e Marrëveshjes për fqinjësi, duhet patjetër të pranojnë se kanë dallime të theksuara, por se punojnë për tejkalimin e tyre dhe arritjen e zgjidhjes së përbashkët. Kjo do të merr kohë. Deri atëherë, Bullgaria nuk duhet të përzihet në fillimin e bisedimeve për antarsim të RMV-së në BE, sepse për momentin punohet vetëm për fillim të procesit negociues.

Megjithatë, ambasadorja Shtajnaker është shprehur kategorike për aderimin e një shteti brenda BE-së duke pasur konteste të hapura bilaterale. Sipas saj këtë mësim BE e ka nxjerrur  me anëtarsimin e Qipros, e cila akoma ka probleme me pjesën qipriote në Turqi.

Kohëve të fundi diplomatët gjerman janë më të zëshëm në mbrojtjen  e tezës se shtetet  aspirante për në BE duhet ti kenë plotësuar në tërësi kushtet e Kopenhages, në kohën që do ti fillojnë bisedimet.

Në të njëjtën vijë ishte edhe kancelarja gjermane Angela Merkel  në samitin e BE-së në Bërdo. Ajo tha se për momentin,  asnjë vend aspirant ballkanik nuk është gati ti fillojë negociatat për integrim. (Nermin Mulaki – Fejzullahu, TVM2)