Zgjedhjet lokale 2021, BDI mbrëmë mbajti tubim në komunën e Çairit

 

“Kemi përpiluar edhe planin për ndarjen e rrugëve njëkahëshe brenda komunë së Çairit, investimi në arsim dhe shkencë do të filloj me ndërtimi e një shkolle të re dhe një çerdhes në lagjen e Fushë Tophanës. Do të filloj godina e universitetit Nënë Tereza që do të merr formën gjatë këtij mandati. Gazifikimi i filluar në tre objekte do të filloj të prek amvisëritë.”,- tha kandidati për kryetar në komunën e Çairit - BDI, Visar Ganiu.

 

Bartësja e listës së kandidatëve për këshilltarë në komunën e Çairit, Sermine Purrini, theksoi rëndësinë e avancimit të pozitës së gruas në proceset e vendimmarrjes dhe faktorizimin e zërit të saj që është njëri nga premtimet e kandidatit Visar Ganiu për mandatin e ri. 

 

“Me datën 17 tetor ta vulosim fatin tonë. Vota jonë me 17 tetor do të hap shtigje të reja shtigje të ardhmërisë, prandaj  votoni për agjendën e blertë.”,- u shpreh bartësja e listës së këshilltarëve komunal në Çair – BDI, Sermine Purini.

 

Bartësi i listës së këshilltarëve të BDI-së për Qytetin e Shkupit, Ardijan Muça ka kërkuar votën e qytetarëve që së bashku me Visarin të vazhdojë punën në shërbim të jetës cilësore të qytetarëve.

 

“Unë dhe Visar Ganiu, këtij projekti madhështor të Ali Ahmetit i kemi parapri katër vjet me rend edhe atë me punë dhe projekte konkrete dhe do vazhdojmë edhe në katër vitet e ardhshme. Andaj të gjithë së bashku më 17 Tetor të dalin të votojmë numrin 3.”,- u shpreh bartësi i listës për këshilltar në Qytetin e Shkupit – BDI, Ardian Muça.

 

Shefi i Shtabit Zgjedhor në Çair, Izet Mexhiti, tha se BDI nuk kërkon votë për të mposhtur të tjerët,por kërkojnë votë për projekte të reja, për investime kapitale si dhe për ndryshime radikale që  mund të bëhen vetëm me Agjendën e Blertë dhe me VIsar Ganiun.