Covid-19, 6 viktima e 130 infektime të reja në 24 orë

Pacienti më i ri ka i cili ka humbur jetën ka qenë 27 vjeç, shkruan raporti i Institutit të Shëndetit Publik. 2 prej viktimave janë nga Kumanova,  dhe nga 1 viktimë janë regjistruar në  Shkup, Tetovë, Kriva Pallankë dhe Strumicë.

Të gjithë personat e raportuar vdiqën në spital. Nga 1.843  testime të realizuara kanë rezultuar pozitiv 130 persona, prej të cilëve edhe më tej kryeson Shkupi me 88 raste pozitive. Janë regjistruar edhe  423  pacientë të shëruar. Në vend ka 6.658. raste aktive.

Deri më tani janë realizuar  gjithsej 1.326.737 testime për Covid-19. Që  nga fillimi i pandemisë  gjithsej persona të diagnostikuar me Covid-19 është 195.132, numri pacientëve të shëruar 181.619, ndërsa numri i fataliteteve është 6.855.