Sektori civil duhet të jetë korigjues i demokracisë e jo pasiv

 

Askush, apo shumë rrallë prej organizatave joqeveritare  marrin guximin për të reaguar  në opinion. TVM-2  kontaktoi  shumë organizata joqveritare shqiptare në vend, por përveç  nga Lëvizja “Për Vizion të përbashkët” dhe “Aksi” askusht tjetër nuk deshi të pronocohen  ne këtë temë.

 

Ata  pranojnë faktin se  kohëve të fundit janë futur  thellë në gjumë, por faji nuk është i tyre, thonë ata.

 

“Politizimi i shoqatave joqeveritre  ka ndikuar të ketë një disbalans  mbrenda organizatave joqeveritare  do të thotë se nuk ka një konstruktivitet  nuk ka një   unitet mbrenda organizatave,  që të dilet me një qendrim unik. Mirëpo çdo organizat merr vendimet e saj vetë për cilën çështje  duhet reagoje dhe kjo është niveli saj.Ne na brengos si Lëvizje për vizion të përbashkët  çështja pse nuk jemi unik, pse nuk jemi për një çështje të reagojmë një zëri kjo i ka mangësit e saj, mirëpo mendoj se problemi kryesor është te politizimi i tyre dhe çështja që dikush me çdo kusht ti politizojë ato”, shprehet Fitim Kryeziu nga lëvizja për “Vizion të Përbashkët.

 

“Reagimi i shpqatave qytetare duhet të jenë sa më të unifikuar  duhet të vedisohen  mirëpo duhet të dijmë edhe nje fakt se shumica e shoqatave vetem emrin e kanë se janë “joqeveritare” dhe “Jopartiake”mirëpo realiteti është shumë më ndryshme. Shumica e shoqatave janë të cilët dikush i udhëheqë dhe dikush i mbanë. Janë të pakta ato shoqata joqeveritare që vërtet bëjnë  aktivitete dhe janë joprofitabile  dhe jofitimprurëse dhe zëri i tyre pak dëgjohet”, shprehet Afet Jashari nga shoqata qytetare “AKSI”.

 

Këtë  pasivitet te sektorit civil e  vërejne edhe komunikologët. Sipas profesorit univerzitar Sefer Tahiri,  heshtja e cila i ka kapluar shoqatat është për shkak se zëri i tyre nuk digjohet fare nga  insitucionet ne vend.

 

“Sektori joqeveritar është pasiv edhe për shkakun se nuk ka ndonjë beneficion nga reagimi qytetarë dhe nuk merrën parasysh nga organet e shtetit. Këtu tek ne shpesh herë përzihen fenomenet kur sektori joqeveritar  dëshiron të merr rolin e politikës, kjo nuk është në rregull  dhe as e ndershme  dhe në përgjithësi nuk është në natyrën e funksionimit të sektorit civil  dhe është një lloj papërgjegjësie nga qytetarët. Nga ana tjetër konsideroj se  sektori joqeveritar  më tepër duhet të angazhohet në sferën  të cilën eshte e  destinuar . Duhet të ketë organizata  të specializuara joqeveritara e jo organizata  të përgjithshëme  apo generalistat që merrën me çdo gjë edhe me asgjë”, shprehet komunikologu Sefer Tahiri.

 

TVM- 2 hapi këtë çështje me qëllim që organizmat  joqeveritare ta kuptojnë rolin e tyre  të vërtete  që duhet ta kenë në shoqeri ,e ai rol nenkupton: korigjues i  demokracise në vend, sepse një shoqeri e shëndoshe mund të jetë e tille vetëm nëse  funksionon shtylla e shoqerisë civile.