Gir ia dorëzoi kreut shtetëror Raportin e Progresit

 

“Qëndrueshmëria e këtyre reformave strukturore është proces afatgjatë i cili kërkon përfshirje të vazhdueshme edhe të qeverisë, edhe të opozitës dhe elemente të tjera në shoqëri.”- deklaroi Gir. 

 

Unioni me autokritikë për pezullimet në proces.  

 

“Komisari dhe Raporti konfirmojnë se pezullimi i fillimit të negociatave kanë ndikim negative mbi kredibilitetin e BE-së dhe Komisari Varheji tha se kjo është me rëndësi vitale për besueshmërinë evropian. Prandaj çështjet mes Republikës së Maqedonisë së Veriut dhe Bullgarisë duhet të zgjidhen. Theksohet rëndësia për zbatimin e vazhdueshëm të Marrëveshjes së Prespës me Greqinë dhe Marrëveshjes për marrëdhënie të mira ndërfqinjësore me Bullgarinë nga të gjitha palët.”,- deklaroi ambasadori i BE-së, Dejvid Gir.

 

Zëvendëskryeministri për çështje evropiane, Nikolla Dimitrove kërkon më shumë angazhim nga ana e Unionit.

 

“Është e qartë se BE dhe 26 vende anëtare thonë se Maqedonia e Veriut plotësoi gjithçka që kërkuam nga ajo. Shumë prej tyre thonës e kemi plotësuar më shumë se sa është kërkuar. Prandaj nëse procesi qasës nuk është vegël që edhe BE e plotëson premtimin, atëherë kjo vegël reformuese nuk do të jetë shumë cilësore.”,- u shpreh zëvendëskryeministri për çështje evropiane, Nikolla Dimitrov.

 

Paraprakisht, ambasadori Gir i dorëzoi raportin e progresit edhe presidentit të shtetit, Stevo Pendarovski, edhe kryeministrit, Zoran Zaev. Ky i fundit në faqen e tij zyrtare në Facebook, shkroi se raporti nxjerr në pah zbatimin e vendosur të reformave të BE-së.

 

“Mbi këtë bazë, raporti rekomandon fillimin e menjëhershëm të negociatave të pranimit dhe konferencën e parë ndërqeveritare deri në fund të vitit gjatë presidencës sllovene.”, shkruan Zaev.