Sh.F “Panajot Ginovski”, arsimtari përdorë dhunë ndaj nxënësit

Një arsimtar në shkollën fillore “Panajot Ginovski” në Butel të Shkupit shihet duke rrahur nxënësin.

 

Dhuna e arsimtarit ndaj nxënësit shihet në një video të publikuar në rrjetin social “Tik-Tok” ku shihet se si mësuesi godet me shuplakë një nxënës në prani edhe të nxënësve të tjerë.

 

Incidenti është konfirmuar nga drejtori. Mësuesi ligjëron gjuhën angleze, ndërsa nxënësi është në klasën e shtatë.

 

Rasti është denoncuar në polici dhe sipas procedurave mësuesi do të dalë para komisionit disiplinor.