Basha: Rama, Berisha, Meta i kanë ditët e numëruara

Për herë të parë nga foltorja e Kuvendit, Lulzim Basha, vendosi shenjën e barazimit mes kryeministrit Rama, ish-liderit Sali Berisha dhe Presidentit Ilir Meta.

 

Brinjë të trekëndëshit të Bermudës i quajti kryedemokrati Basha ata, ndërsa i paralajmëroi se ditët e 3 politikanëve janë të numëruara.

 

Vettingun në politikë, Lulzim Basha e sheh si mekanizmin për të shpëtuar nga Rama, Meta e Berisha ndërsa para kryeministrit shprehu gatishmërinë për ta nisur nga vetja vetimin.

 

Në kundërpërgjigje, shefi i qeverisë e quajti propozimin për vetting, pa kuptim.

 

Kryedemokrati intensifikoi deklaratat duke thënë se bosët e drogës kanë rezervuar hapësira në pallatet që ndërtohen në Tiranë.

 

Gjatë seancës plenare të enjtes, kryeministri dhe numri një i demokratëve nuk kursyen as akuzat lidhur me kohën kur drejtonin Bashkinë e Tiranës.