Mbi 5 milionë të vdekur nga COVID-19 në të gjithë botën

 

Vetëm disa muaj më parë, në qershor, numri i të vdekurve si pasojë e pandemisë së koronavirusit arriti në 4 milionë.

 

Shifra e re vjen ndërsa disa vende vazhdojnë të hasin vështirësi në sigurimin e vaksinave, në një kohë kur një pjesë ka nisur të vaksinojë popullsinë me dozën përforcuese.

 

Në një letër të hapur, drejtuar udhëheqësve të vendeve anëtare të Grupit të Njëzetëshes, që u takuan në Romë, Organizata Botërore e Shëndetësisë vinte theksin tek pabarazia në shpërndarjen e vaksinave mes vendeve të pasura dhe atyre me të ardhura të ulëta.

 

 

Në letrën e OBSH-së thuhej se pabarazia në shpërndarjen e vaksinave po merr çdo ditë jetë njerëzish dhe vazhdon të rrezikojë të gjithë.