Vendkalimi i përbashkët kufitar me Shqipërinë, Qeveria i jep dritë jeshile marrëveshjes

Qeveria e RMV-së ka miratuar propozim - ligjin për ratifikimin e Marrëveshjes ndërmjet RMV-së dhe Shqipërisë për vendosjen e vendkalimeve të përbashkëta  ndërmjet  këtyre dy shteteve.

 

“Me Marrëveshjen rregullohet koncepti  i kontrolleve të përbashkëta kufitare. Këto janë kontrolle kufitare me një ndalesë dhe procedura më të thjeshta, të cilat zbatohen  në një vendkalim  kufitar të përbashkët  me numër minimal të ndalesave (mundësisht një ndalesë). Në këtë mënyrë kontrolli  i udhëtarëve, mallrave  dhe mjeteve  të tyre transportuese  kryhet vetëm  një herë në një vend. Koncepti i kontrolleve  të përbashkëta kufitare  dhe i procedurave  më të thjeshta  të vendkalimit kufitar të vetëm, sjell në përshpejtimin  dhe thjeshtësimin  e kalimit të pikave kufitare.”- thuhet në komunikatën e lëshuar nga shërbimi informative qeveritar.

 

Me zbatimin e këtij propozim ligji, lehtësohen procedurat kufitare   gjatë kalimit të udhëtarëve dhe mjeteve, mallrave dhe mjeteve transportuese në trafikun rrugor. Propozim ligji tani duhet  të dërgohet në parlament për t’u votuar.