Covid-19 në Kosovë, shënohen 11 raste në 24 orët e fundit

Ministria e Shëndetësisë në Kosovë ka bërë bilancin e 24 orëve të fundit për situatën e Covid-19 në vend.

 

Sipas të dhënave mësohet se janë shënuar 11 raste të reja pas testimit të 1.719 qytetarëve, ndërsa fatmirësisht nuk është regjistruar asnjë humbje jete.

 

Në 24 orët e fundit janë dhënë 3.658 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.585.044 doza të vaksinës.

 

Deri më sot 742.830 qytetarë janë vaksinuar me dozën e dytë.

 

Sot janë shëruar 26 qytetarë, derisa numri i përgjithshëm i të shëruarve është 157.466. Në total numri i rasteve aktive është 447.