Eurointegrimi, Mark Rutte vizitë në Tiranë e Shkup

 

“Priten zgjedhjet e së dielës në Bullgari, për t’u siguruar që së paku të nisin dy konferencat ndërqeveritare. Jam shumë i lumtur që kemi qenë në gjendje që të hedhim hapin e parë ne procesin e anëtarësimit në Bashkimin Evropian. Është e vërtetë që për të nisur zyrtarisht konferencën e parë ndërqeveritare është thelbësore që të zgjidhim bllokimin nga ana e Bullgarisë.”,- ka thënë Rutte.

 

Edhe kryeministri shqiptar Rama ka theksuar se e duhet zgjidhur ngërçi i krijuar nga vetoja e Bullgarisë dhe më pas të ec procesi përpara.

 

“E falënderoj mikun tim Mark për kontributin personal në komunikimin me palën bullgare, e sikur të tjerët që po bëjnë përpjekjet që ta afrojnë pozicionin e Bullgarisë drejt zgjidhjes, përpara se të mblidhet Këshilli Europian në dhjetor”,- ka thënë Rama.

 

Ndërkohë ish ambasadori, Nano Ruzhin, e cilëson vizitën e kryeministrit holandez  në rajon shumë të rëndësishme. Rute vjen në Shkup me mesazhe, thotë Ruzhin.

 

“Epilogu në zgjidhjen e kontestit me Bullgarinë duket se është kah fundi, me përkrahjen e Makronit, Merkelit, nga ana e Holandës dhe nga shtetet tjera të fuqishme evropiane. Mendoj se rruga jonë drejt BE-s ë po përshpejtohet.”,- u shpreh ish ambasadori, Nano Ruzhin. 

 

Rute do të kërkojë nga autoritetet shtetërore të mos zhvendosen nga kursi i eurointegrimeve, pavarësisht zhvillimeve politike ën vend, thekson Ruzhin.