Shqipëri, Rama-Basha përplasje buxheti

Demokratët dhe socialistët e lexuan ndryshe edhe në foltoren e parlamentit, buxhetin e 2022, që pritet të miratohet në orët e vona të mbrëmjes.

 

Ndërsa për kryeministrin Rama asnjë shtresë nuk është lënë pa mbështetje, për Lulzim Bashën, ky buxhet nuk reflekton problemet por luksin e oligarkëve.

 

Tonet e larta për buxhetin, u shoqëruan me akuza dhe kundërakuza mes dy liderve politikë.

 

Kryeministri Rama i kujtoi edhe situatën në të cilën ndodhet Partia Demokratike duke e ftuar edhe një herë kryedemokratin të mos përpiqet të sillet si ish kryetari, ndërsa Basha e sfidoi duke i kërkuar të votojë vettingun në politikë.