Marrëveshja Bullgari-RMV, Lorer: Dhjetori nuk është afat real

 

“Mosmarrëveshja për historinë mes dy vendeve është e thellë, sepse ne kemi histori shekullore të përbashkët. Kjo çështje ende nuk është sqaruar, por kjo do të ndodhë paralelisht me programin ekonomik. Duket se nëse ia lëmë vetëm historisë për të çuar përpara negociatat, kjo nuk do të japë një rezultat mjaft të mirë për të dyja palët. Do të hapim edhe diskutime të mëtejshme për progresin ekonomik mes dy vendeve. Dhe diskutimi historik do të ecë paralelisht që të dyja palët të jenë të kënaqura. Deri më tani, besojmë se puna e komisionit historik nuk ofron përparim dhe të dyja palët janë të pakënaqur me atë që po ndodh dhe duhet të gjejmë një formulë të re”,- ka thënë Lorar. 

 

 

Ndërkohë, për liderin e VMRO-DPMNE-së, Hristian Mickoski, në kontestin me Bullgarinë është e pranueshme çdo zgjidhje që është në kuadër të Rezolutës që është miratuar në Kuvend. Sipas tij, BE-ja duhet të japë një datë për negociata me Maqedoninë dhe jo ta shantazhojë vendin me lëshime shtesë. Mickoski shprehë optimizëm se liderët europianë në Samitin e dhjetorit do të “mbushin mend Bullgarinë” dhe do të promovojnë vlerat europiane.

 

“Ky popull shumë herë në të kaluarën ka qëndruar në ato vlera civilizuese evropiane, kësaj radhe Evropa duhet t'i kthehet popullit të Maqedonisë dhe jo të na shantazhojë me lëshime shtesë. VMRO-DPMNE nuk do ta pranojë këtë. Menjëherë duhet të jepet dritë jeshile që Maqedonia të fillojë negociatat me BE-në.”,- theksoi kryetari i VMRO-DPMNE-së, Hrisitan Mickoski.

 

Bullgaria po bllokon integrimin evropian të Maqedonisë, duke pretenduar se Maqedonia po vjedh historinë bullgare dhe se gjuha maqedonase është një dialekt i bullgarishtes.